RailEnquiry

अतिरेक्यांच्या हिटलिस्टवर असलेल्या नागपूर रेल्वे स्थानकावर आता चोवीस तास बॉम्बशोधक व नाशक पथक (बीडीएस) तैनात करण्याचा निर्णय लोहमार्ग पोलिस मुख्यालयाने घेतला आहे. मनमाड आणि नांदेड स्थानकावरही अशाच प्रकारचे पथक लवकरच तैनात करण्यात येणार आहे.
लोहमार्ग पोलिसांकडे असलेल्या बीडीएसमध्ये २५ जण आहेत. मात्र , पथक एक व संवेदनशील स्थानके जास्त. त्यामुळे पोलिसांची अडचण व्हायची. त्यामुळे आता अशी तीन पथके तयार करण्यात आली आहेत. ही तिन्ही पथके नागपूर , नांदेड व मनमाड येथे प्रत्येकी एक या प्रमाणात तैनात केली जाणार आहेत. श्वानपथक एकच आहे. त्यामुळे मनमाड व नांदेड येथे गरज पडल्यास ते तेथे पाठविले जाईल. नागपूर स्थानकावर सर्वाधिक वर्दळ असते. रोज १७५ गाड्या येथून धावतात. त्यामुळे श्वानपथक कायमस्वरूपी येथेच ठेवण्याचा निर्णय घेण्यात आला आहे.