RailEnquiry

नवी दिल्ली- सर्वांत वर्दळीच्या असलेल्या दिल्ली-हावडा, दिल्ली-मुंबई आणि कोलकता मेट्रोसाठी रेल्वे मंत्रालयाकडून स्मार्ट कार्ड ही योजना प्रायोगिक तत्त्वावर लवकरच राबविण्यात येणार आहे.

यासंदर्भात रेल्वे मंत्रालयातील वरिष्ठ अधिकाऱ्याने दिलेल्या माहितीनुसार, दिल्ली-हावडा, दिल्ली-मुंबई आणि कोलकता मेट्रोसाठी लवकर "गो-इंडिया कार्ड' नावाचे स्मार्ट कार्ड सुरू केले जाणार आहे. त्यासाठी आवश्‍यक तांत्रिक बाबींची पूर्तता करण्यात येत आहे. स्मार्ट कार्ड सुरू झाल्यावर प्रवाशांना तिकीट खरेदी करणे कठीण जाणार नाही. तसेच रेल्वेतील इतरही खरेदीसाठी हे कार्ड वापरता येऊ शकेल. प्रायोगिक तत्त्वावर या दोन मार्गांवर स्मार्ट कार्ड योजना राबविण्यात येणार असून त्याला मिळणारा प्रतिसाद बघून इतरही मार्गांवर ही योजना लागू करता येईल.