RailEnquiry

ഷൊറണൂര്‍: ഷൊറണൂര്‍-കാരക്കാട് പാത ഇരട്ടിപ്പിക്കല്‍പണി ഒക്ടോബര്‍ മൂന്നിന് പുതിയ ഘട്ടത്തിലേക്ക്. പഴയ സിഗ്‌നല്‍സംവിധാനം മാറ്റി പുതിയത് സ്ഥാപിക്കുന്ന പ്രവൃത്തിയാണ് അന്ന് തുടങ്ങുക. ഇതോടെ തീവണ്ടികള്‍ക്ക് കൂടുതല്‍ നിയന്ത്രണമേര്‍പ്പെടുത്തും. സിഗ്‌നല്‍നവീകരണത്തിന്റെ ഭാഗമായുള്ള നോണ്‍-ഇന്റര്‍ലോക്ക്ഡ് പണികളാണ് വ്യാഴാഴ്ച തുടങ്ങുക. സിഗ്‌നല്‍വകുപ്പിന്റെ പരിശോധനയുംമറ്റും നടക്കുന്നതും ഈ ഘട്ടത്തിലായിരിക്കും. നവീകരണം കഴിയുന്നതോടെ കൂടുതല്‍ സുരക്ഷിതവും വേഗമേറിയതും മുഴുവന്‍ ഇന്റര്‍ലോക്ക്ഡായതുമായ സംവിധാനം നിലവില്‍വരുമെന്ന് റെയില്‍വേ എക്‌സിക്യുട്ടീവ് എന്‍ജിനിയര്‍ രാമചന്ദ്രന്‍ പറഞ്ഞു.

ഒക്ടോബര്‍ മൂന്നുമുതല്‍ ട്രെയിനുകളുടെ സമയക്രമത്തില്‍ കാര്യമായ മാറ്റം വരും. 16649-ാംനമ്പര്‍ മംഗലാപുരം നാഗര്‍കോവില്‍ പരശുറാം എക്‌സ്പ്രസ് 3, 4, 6, 13 തീയതികളില്‍ നാലുമണിക്കൂര്‍ വൈകും. 16650-ാം നമ്പര്‍ നാഗര്‍ഗോവില്‍-മഗംലാപുരം പരശുറാം എക്‌സ്പ്രസ്തിരുവനന്തപുരം ഡിവിഷനില്‍ 3, 4, 6, 13 തീയതികളില്‍ 45 മിനിറ്റും ഏഴിന് രണ്ട് മണിക്കൂറും വൈകും. 16345-ാംനമ്പര്‍ ലോകമാന്യതിലക്-തിരുവനന്തപുരം-നേത്രാവതി എക്‌സ്പ്രസ് 3, 4, 6, 13 തീയതികളില്‍ 2.55 മണിക്കൂര്‍ വൈകിയാവും ഓടുക. ഓക്ടോബര്‍ നാലിന് 12218-ാം നമ്പര്‍ ചണ്ഡിഗഡ്-കൊച്ചുവേളി സമ്പര്‍ക്കക്രാന്തി എക്‌സ്പ്രസ് 3.30 മണിക്കൂറും 12287-ാം നമ്പര്‍ കൊച്ചുവേളി-ഡെറാഡൂണ്‍ എക്‌സ്പ്രസ് തിരുവനന്തപുരം ഡിവിഷനില്‍ 15 മിനിറ്റും വൈകും. 12998-ാം നമ്പര്‍ ഹാപ്പ-തിരുനെല്‍വേലി എക്‌സ്പ്രസ് 6നും 13നും മൂന്നരമണിക്കൂര്‍ വൈകും. 12483-ാം നമ്പര്‍ കൊച്ചുവേളി-അമൃത്‌സര്‍ എക്‌സ്പ്രസ് 16ന് തിരുവനന്തപുരം ഡിവിഷനില്‍ ഒരു മണിക്കൂര്‍ വൈകിയാവും സര്‍വീസ് നടത്തുക.

16343/16344 -ാം നമ്പര്‍ തിരുവനന്തപുരം-പാലക്കാട് ടൗണ്‍-തിരുവനന്തപുരം അമൃത എക്‌സ്പ്രസ് 6 മുതല്‍ 16 വരെ ഷൊറണൂരില്‍ വരില്ല. 16349/16350 -ാം നമ്പര്‍ തിരുവനന്തപുരം-നിലമ്പൂര്‍-തിരുവനന്തപുരം രാജ്യറാണി എക്‌സ്പ്രസ്സിന്റെ കോച്ചുകളും അമൃത എക്‌സ്പ്രസ്സിനോടൊപ്പം പാലക്കാട്ടേക്ക് പോകും.

16859 ചെന്നൈ എഗ്‌മോര്‍-മംഗലാപുരം, 16860 മംഗലാപുരം-ചെന്നൈ എഗ്‌മോര്‍ ട്രെയിനുകള്‍ 2 മുതല്‍ 15 വരെ മംഗലാപുരത്തിനും പാലക്കാടിനുമിടയില്‍ ഓടില്ല. 12617 എറണാകുളം-നിസാമുദ്ദീന്‍ മംഗള എക്‌സ്പ്രസ് 3, 4, 6, 7, 13, 16 തീയതികളില്‍ 10.45 നുപകരം 12.20 നായിരിക്കും എറണാകുളത്തുനിന്ന് പുറപ്പെടുക.