RailEnquiry

தஞ்சை, செப்.2:
தஞ்சையில் ரூ.18 கோடி மதிப்பில் கட்டப்பட்ட பட்டுக்கோட்டை சாலை மேம்பாலம் வரும் 15ம் தேதி திறக்கப்படும்.
தஞ்சை தொல்காப்பியர் சதுக்கம் அருகே தஞ்சை & பட்டுக்கோட்டை சாலையில் ரயில்வே பாதைக்கு மேல் மேம்பாலம் கட்டப்பட்டு வருகிறது. ரூ.18.44 கோடி மதிப்பில் 907மீ நீளத்திற்கு புதிய பாலம் கட்டுமான பணி கடந்த 2004ம் ஆண்டு தொடங்கப்பட்டது. இதில் 2011ம் ஆண்டு டிசம்பர் மாதம் நெடுஞ்சாலைத்துறையின் பணிகள் முடிக்கப்பட்டன. ரயில்வே துறையின் மூலம் 30மீ நீளத்திற்கு பாலம் அமைக்கும் பணி இரவு பகலாக நடந்தது. இப்பணிகள் முழுமையாக முடிக்கப்பட்டுள்ளது. இதை மத்திய நிதித்துறை இணை அமைச்சர் பழனிமாணிக்கம் நேற்று பார்வையிட்டு ஆய்வு செய்தார்.
அப்போது அவர் கூறும்போது, நெடுஞ்சாலைத்துறையும், ரயில்வே துறையும் சேர்ந்து மேற்கொண்ட இப்பாலப் பணிகள் முடிக்கப்பட்டுள்ளது.
ஏற்கனவே கூறியபடி வரும் 15ம்தேதி மக்கள் பயன்பாட்டுக்காக இப்பாலம் திறந்து விடப்பட உள்ளது என்றார். முன்னாள் அமைச்சர் உபயதுல்லா, தஞ்சை முன்னாள் ஒன்றிய செயலாளர் செல்வம் உடன் சென்றனர்.