RailEnquiry

मुंबई

ऐन पावसात रेल्वेच्या ओव्हरहेड वायरवर उच्च दाबाची (हाय टेन्शन) तार पडल्याने पुण्याकडे जाणा-या एक्सप्रेस गेल्या तासाभरापासून खोळंबल्या होत्या. तसेच पुण्याहून लोनावळ्याकडे येणारी लोकलही आकुर्डी-चिंचवड स्टेशन दरम्यान थांबवण्यात आली होती. दरम्यान, या मार्गावरील वाहतूक हळूहळू पूर्व पदावर येऊ लागाली आहे.

रविवारी सकाळी लोनावळा-पुणे रेल्वे मार्गावर ओव्हरहेड वायरवर उच्च दाबाची तार पडली. यामुळे पुण्याहून मुंबईकडे येणा-या आणि मुंबईहून पुण्याकडे जाणा-या एक्सप्रेसचा तासाभरासाठी खोळंबा झाला होता, अशी माहिती काही खासगी वृत्तवाहिनीवरून देण्यात आली. मात्र काही वेळातच रेल्वे कर्मचा-यांनी रेल्वे मार्गावरची वाहतूक सुरू करण्यासाठी प्रयत्न सुरू केले. अखेर तासाभराच्या प्रयत्नांनंतर या मार्गावरील रेल्वे वाहतूक पूर्वपदावर येऊ लागली आहे.