| प्रवाशांना मारू नका! by nikhilndls on 25 April, 2012 - 09:00 PM | ||
|---|---|---|
 nikhilndls | प्रवाशांना मारू नका! on 25 April, 2012 - 09:00 PM | |
मुंबई - गावाला जाण्यासाठी रात्रभर रांग लावणाऱ्या प्रवाशांची गाडीमध्ये चढताना होणारी गर्दी नियंत्रित करण्यासाठी आरपीएफकडून त्यांना होणारी मारहाण रोखण्याची मागणी समाजवादी पार्टीने केली आहे. पक्षाचे प्रदेशाध्यक्ष आमदार अबू आसिम आझमी यांच्या सूचनेनुसार रमाशंकर तिवारी यांच्या नेतृत्वाखाली "सपा'च्या शिष्टमंडळाने आज (मंगळवार) मध्य रेल्वेचे विभागीय रेल्वे व्यवस्थापकांची भेट घेऊन असे प्रकार रोखण्याची मागणी केली. रांगेत उभे राहणाऱ्या गरीब प्रवाशांवर पोलिसांकडून मारहाण होणे चुकीचे आहे. त्यामुळे असे प्रकार त्वरित थांबवावेत, अशी मागणी करण्यात आली आहे. | ||