RailEnquiry

मुंबई - दरमहा 1500 रुपयांपेक्षा कमी उत्पन्न असलेल्या प्रवाशांना आता रेल्वेच्या "इज्जत' पासावर 150 किलोमीटरपर्यंत प्रवास करता येईल. रेल्वे अर्थसंकल्पातील या निर्णयाची 1 जूनपासून पश्‍चिम रेल्वेमार्फत अंमलबजावणी होणार आहे.

मासिक उत्पन्न 1500 रुपयांहून कमी असलेल्या व्यक्तींसाठी रेल्वेने "इज्जत' पास योजना सुरू केली आहे. सुरुवातीला त्यासाठी 100 किलोमीटर अंतराची मर्यादा होती. ही मर्यादा 2012-13 च्या रेल्वे अर्थसंकल्पात 150 किलोमीटरपर्यंत वाढवण्यात आली आहे. ही सवलत 1 जूननंतर पास काढणाऱ्या रेल्वेप्रवाशांना मिळणार आहे. मात्र 1 जूनपूर्वी पास काढला असल्यास, त्याची मुदत संपल्यानंतर या योजनेचा लाभ घेता येईल.