Title - तिस-या मेट्रोला केंद्राची मंजुरी

मुंबई

कुलाबा ते सिप्झ या मुंबईतील तिसऱ्या मेट्रोच्या टप्प्याला केंद्रीय मंत्रिमंडळाने गुरुवारी मंजुरी दिली. सुमारे ३३.५ किमीचा हा मार्ग भुयारी असून २७ स्टेशन्स असतील. प्रकल्पाला २५ हजार कोटी खर्च अपेक्षित असून त्यापैकी ५६ टक्के रक्कम ' जायका ' या जपानी अर्थसंस्थेकडून मिळणार आहे. केंद्र सरकारही या प्रकल्पासाठी तफावत निधी देण्याची शक्यता आहे.

मेट्रोचा वर्सोवा ते घाटकोपर हा पहिला टप्पा या वर्षात खुला होण्याची शक्यता आहे . चारकोप ते मानखुर्द हा दुसरा टप्पा मात्र पर्यावरण मान्यतेच्या कचाट्यात अडकेला आहे . त्या पार्श्वभूमीवर केंद्रीय ‌ मंत्रिमंडळाने दिलेल्या मंजुरीमुळे तिसऱ्या टप्प्याची टेंडर प्रक्रिया लवकरच सुरू होईल . प्रकल्प मंजुरीच्या वृत्तास एमएमआरडीएचे आयुक्त यु . पी . एस . मदान यांनी दुजोरा दिला .