Title - இவ்வாண்டிலே கோழிக்கோடு மோனோ ரயில் திட்டம்:உம்மன் சாண்டி

கோழிக்கோடு:கேரள அரசு,கோழிக்கோடு மோனோ ரயில் திட்ட கட்டிடப்பணிகளை இவ்வாண்டிலேயே துவக்க உள்ளதாக மாநில முதல்வர் உம்மன் சாண்டி நேற்று தெரிவித்தார்.இது குறித்து ‌கோழிக்கோடு மாநகராட்சியின் பொன்விழா நிகழ்ச்சியை துவக்கி வைத்து பேசிய முதல்வர் உம்மன் சாண்டி, இவ்வாறு தெரிவித்தார்.
இது குறித்து மேலும் ‌பேசுகையில், ‌கோழிகோடு மற்றும் திருவனந்தபுரத்தில் மோனோ ரயில் திட்டங்களும் கொச்சியில் மெட்ரோ ரயில் திட்டமும் கொண்டு வர முடிவு செய்து அதற்கான பணிகளை துவக்க உள்ளோம். இதனால் கொச்சியில் போக்குவரத்து நெருக்கடி சிக்கலுக்கு நிரந்தர முடிவு ஏற்படும்.
இரு பிரச்சினைகளுக்கு தீர்வு:கோழிக்கோடு மாநகராட்சிக்கு முக்கியமான இரு பிரச்சினைகள் போக்குவரத்து நெரிசல் மற்றும் கழிவுகளை அகற்றுதல் இது இரண்டும்தான் மாநகராட்சிகளுக்கும் பஞ்சாயத்துகளுக்கும் சிக்கல்களை ஏற்படுத்தியுள்ளது.இப்பிரச்சினைகளை தீர்க்க மாநகராட்சி நிதிகளை அதிகரிக்க அரசு முயற்சி செய்வதாகவும் நிதி பற்றாக்குறையால் காலதாமதம் ஏற்பட்டது.
ரூ40 கோடி ஒதுக்கீடு:கோழிக்கோடு மாநகராட்சி்க்கு உட்பட்ட சாலைகள் நவீனமயமாக்க ரூ.40 கோடி அரசு ஒதுக்கியுள்ளது.மேலும் குடிதண்ணீர் வசதியை விஸ்தரிக்க மத்திய அரசின் உதவியை ‌கேட்டு முயற்சி செய்யப்பட்டு நடவடிக்கை எடுக்கப்படுகிறது.இவ்வாறு அவர் தெரிவித்தார்.விழாவில் மேயர் பிரேமாஜம் ‌தலைமையில் நடந்த இவ்விழாவில் முன்னாள் மேயர்களும் கவுரவிக்கப்பட்டனர்.