Title - म. रे. ने ओलांडला ४० लाख प्रवासी संख्येचा टप्पा

मुंबई

मध्य रेल्वेच्या प्रवासी संख्येने गेल्या वर्षभरात ४० लाखांचा टप्पा ओलांडला आहे . गेल्या वर्षीच्या दररोजच्या सरासरी ३९ लाख ९६ हजार प्रवाशांच्या तुलनेत यावर्षी प्रवासी संख्या ४० लाख ३१ हजारांवर पोहोचली आहे . विशेष म्हणजे , दिवाळीच्या एकाच दिवशी मध्य रेल्वेवर ४३ लाख एक हजार जणांनी प्रवास केला .

मध्य रेल्वेने एप्रिल २०१२ ते जानेवारी २०१३ या कालावधीत उपनगरीय मार्गावरील प्रवाशांच्या वाढत्या संख्येचा आढावा घेतला . त्यात , एप्रिल २०११ ते जानेवारी २०१२ च्या तुलनेत यावर्षी मोठी वाढ झाल्याचे दिसून आले . वाढत्या गर्दीनुसार , मध्य आणि हार्बरवर ११९ लोकल धावत असून दररोज १ , ५९६ फेऱ्या होतात .
२००८ - २००९ वर्षांपासून प्रवासी वाहतुकीत वाढ होते . या चार वर्षाच्या कालखंडात लोकलची संख्या , लोकल फेऱ्यांमध्येही मोठी वाढ झाली आहे . २००८ - ०९ मध्ये होणारी १४१० लोकल फेऱ्यांची संख्या १५९६ फेऱ्यांपर्यंत गेली आहे . ही वाढ १३ टक्क्यांहून अधिक आहे .

त्याचप्रमाणे , लोकल डब्यांच्या संख्येतही वाढ झाली आहे . २००८ - ०९ मध्ये मध्य रेल्वेवरील डब्यांची संख्या १३ , ००८ होती . ती , या वर्षी जानेवारीपर्यंत १७ , ४५१ डब्यांपर्यंत पोहोचली