Title - इंदूर-यशवंतपूर-इंदूर विशेष रेल्वेला 29 जानेवारीपर्यंत मुदतवाढ

रेल्वे प्रशासनाने इंदूर-यशवंतपूर-इंदूर या विशेष रेल्वेला 29 जानेवारीपर्यंत मुदतवाढ देण्याचे ठरवले आहे. यानुसार इंदूर ते यशवंतपूर (गाडी क्रमांक 09307) ही साप्ताहिक रेल्वे 6, 13,20 व 27 जानेवारी रोजी (दर रविवारी) रात्री 8 वाजून 55 मिनिटांनी इंदूर येथून सुटून इटारसी, बेतूल, आमला, नारखेड, चांदूर बाजार, अमरावती, अकोला, वाशिम, हिंगोली, पूर्णा, नांदेड, मुदखेड, निजामाबाद, सिकंदराबाद मार्गे मंगळवारी सव्वाअकरा वाजता यशवंतपूरला पोहोचेल.

परतीच्या प्रवासात यशवंतपूर ते इंदूर रेल्वे (गाडी क्रमांक 09308) दर मंगळवारी म्हणजे 1, 8, 15, 22 व 29 जानेवारी रोजी यशवंतपूर स्थानकातून दुपारी साडेबारा वाजता सुटून त्याच मार्गे गुरुवारी सकाळी पाच वाजून पाच मिनिटांनी इंदूरला पोहोचेल. या गाडीला दोन एसएलआर, एक वातानुकूलित द्वितीय श्रेणी, चार वातानुकूलित तृतीय श्रेणी व सात स्लिपर क्‍लास, असे एकूण 14 डबे असतील.