Title - प‌श्चिम रेल्वेवर २८ एस्कलेटर

मुंबई

' परे ' वर सर्वात पहिल्यांदा दादर, अंधेरी, बोरीवली स्टेशनवर प्रत्येकी एक एस्कलेटर येतील. त्याचप्रमाणे मध्य रेल्वेवरही दादर येथे एस्कलेटर उभारण्यात येणार आहे. ' परे ' वर एकूण २८ एस्कलेटर येणार असून, एस्कलेटरच्या खरेदीची प्रक्रिया हाती घेण्यात येणार आहे. त्यात चर्चगेट ते विरारपर्यंत प्रमुख स्टेशन्सचा समावेश करण्यात येणार आहे.

सुरुवात विलेपार्ले स्टेशनपासून

मध्य रेल्वेवर ठाणे स्टेशनवर एस्कलेटर यशस्वीपणे सुरू झाल्यानंतर प​श्चिम रेल्वेवरही येत्या काळात एस्कलेटर्सची मालिका येणार आहे. पश्चिम रेल्वेवर विलेपार्ले येथे पहिलावहिला एस्कलेटर लवकरच सुरू होणार असून, वर्षभरात इतर स्टेशनवर एकूण २८ एस्कलेटर सुरू होणार आहेत.

उपनगरी मार्गावर सर्वप्रथम एस्कलेटर ठाण्यात सुरू झाला आहे. हा प्रयोग यशस्वी झाल्यानंतर अन्य स्टेशनवरही त्याच्या उभारणीचे काम हाती घेण्यात येणार आहे. पश्चिम रेल्वेवर विलेपार्लेतील एस्कलेटरचे काम जवळपास पूर्णत्वास आले आहे. त्यापाठोपाठ वर्षभरात दादर, अंधेरी, बोरीवलीसह अन्य स्टेशनवर एस्कलेटर येणार आहेत.