RailEnquiry

औरंगाबादः दक्षिण मध्य रेल्वेचा नांदेड विभाग मध्य रेल्वेशी जोडावा , अशी मागणी खासदार चंद्रकांत खैरे यांनी रेल्वेमंत्री पवनकुमार बन्सल यांनी केली.
मराठवाड्याचे रेल्वे प्रश्न निकाली निघावे म्हणून खासदार चंद्रकांत खैरे यांनी रेल्वेमंत्री पवन कुमार बन्सल यांची भेट घेतली. नांदेड रेल्वे विभाग हा मध्य रेल्वेशी जोडावा , दिल्ली औरंगाबाद दिल्ली किंवा राजधानी एक्सप्रेस सुरू करावी , सोलापूर-जळगाव रेल्वे पैठणमार्गे न्यावी व या मार्गासाठी अनुदान द्यावे , परभणी मनमाड रेल्वे दुहेरीकरणाचे काम लवकरात लवकर पूर्ण करावे. नगर-बीड-परळी रेल्वे मार्गासाठी अर्थसंकल्पात तरतूद करावी , जालना-खामगाव रेल्वे मार्गाला मंजुरी देण्याची मागणी करण्यात आली आहे. याशिवाय रामेश्वर ओखा रेल्वे नियमित करावी , नांदेड अमृतसर एक्स्प्रेस ही रेल्वे जम्मू तवीपर्यंत वाढ करावी , औरंगाबाद पूर्णा , हिंगोली , वाशिम , अकोलामार्गे नागपूर सर्वोदय एक्सप्रेस सुरू करावी , औरंगाबाद ते मुंबई मार्गावर रात्रीसाठी रेल्वे सुरू करण्याची मागणी खासदार चंद्रकांत खैरे यांनी केली.