RailEnquiry

सीएसटी ते पनवेल अवघ्या ४५ मिनिटांत पोहोचण्याचे स्वप्न मुंबैकरांनी बाळगण्यास हरकत नाही! हा स्वप्नवत वाटणारा प्रवास चक्क 'एसी' लोकलमधून घडवून आणण्याचा प्रस्ताव एक पाऊल पुढे सरकला आहे. 'सीएसटी ते पनवेल हायस्पीड एलिव्हेटेड प्रकल्प' उभारण्यासाठी नेमलेल्या आर्थिक समितीच्या अहवालात यावर शिक्कामोर्तब झाले आहे. सन २०१८पर्यंत प्रकल्प पूर्णत्वास आणण्याच्या दृष्टीने सुमारे ११ हजार कोटींचा खर्च अपेक्षित आहे.

मध्य आणि हार्बर सेवेवरील वाढती गदीर् आणि प्रस्तावित नवी मुंबई विमानतळामुळे या मार्गावर आणखी काही वर्षांत अधिक ताण पडणार आहे. त्यादृष्टीने जलद आणि आरामदायी प्रवासासाठी 'मुंबई रेल विकास कॉपोर्रेशन'ने (एमआरव्हीसी) 'सीएसटी ते पनवेल हायस्पीड एलिव्हेटेड प्रकल्प' प्रस्ताव मांडला. त्यातील आथिर्क व्यवहार्यता तपासण्यासाठी रेल्वे मंत्रालयातफेर् 'रेल इंडिया टेक्निकल अँड इकॉनॉमिक सव्हिर्सेस'तफेर् (राइट्स) तज्ज्ञांची समिती नेमण्यात आली. त्या समितीने 'एमआरव्हीसी'कडे अहवाल सादर केला.

११० किमी प्रतितास वेग

वेळेत बचत करण्यासाठी ही लोकल प्रतितास ११० किमी वेगाने धावणार आहे. त्यात सीएसटी, वडाळा, कुर्ला, चेंबूर, मानखुर्द, वाशी, नेरुळ, बेलापूर, खारघर, पनवेल ही स्टेशन्स आहे. रेल्वेमार्ग, मेट्रो या सर्व प्रकल्पांचा विचार करून ही स्टेशन निवडण्यात आली आहे. या प्रकल्पास अंतिम मंजुरी मिळण्यासाठी रेल्वे मंत्रालय, नियोजन आयोग, राज्य सरकारकडे प्रस्ताव पाठवण्यात येईल. त्यानंतर कर्जउभारणीसाठी जागतिक बँकेसारख्या अर्थसहाय्य करणाऱ्या संस्थांकडे पाठवण्यात येण्याची शक्यता आहे.